بلد عجب
فيها الهايص هايص
واللايص تعب
يمينك ناس مش مهتمين
شمالك ناس تعبانين
فى الهم مطحونين
تبص شمالك و تسأل إيه السبب
يقولوا من غير رد،
إسأل عيونوا الحزنانين
إسأل قلوبنا المجروحين
إسأل عيالنا الجعانين
بص فى عيونهم المحرومين
البصاصين على غيرهم حاقدين
و100 ألف ليه و ليه
تسبقهم فى عيونهم قبل لسنتهم
وأرجع و بص يمينك
ع اللى مش مهتمين
فلوسهم فى جيوبهم مرتاحين
أكلين، شربين
فى الخلق الغلابة نطاحين
والكل عندهم عبيد
والمستوى أقل و قليل
مجنون مين اللى يرفع صوته
ولاعينه
لا يمد الا يد
مجنون مين اللى يطلب
ولو القليل
مهلباتيه و عواتيه
ضد الريح لأ..
و فوق الريح
الله يكون فى عونا
ملناش غيره هو
خالق الخلق الكريم.
Inscription à :
Publier les commentaires (Atom)
Aucun commentaire:
Enregistrer un commentaire